སྨོན་ལམ་ཚིག་མཛོད་ཆེན་མོ་ནི་བོད་ཡིག་གི་ཚིག་མཛོད་ཁག་ལས་རྒྱས་ཤོས་དང་། རྒྱལ་སྤྱིའི་ཚིག་མཛོད་ཚད་ལྡན་གྱི་ཆ་རྐྱེན་དང་མཐུན་པ་ཡིན། ཚིག་མཛོད་འདིའི་གཞི་རྩའི་སྒྲོམ་གཞི་ལ་ཆ་ཤས་ཁག་མི་འདྲ་བ་བཅུ་བདུན་ལས་གྲུབ་ཡོད།
རྩོམ་སྒྲིག་བྱེད་ཕྱོགས་བོད་རང་གི་ཐུན་མིན་རིག་གཞུང་གཞིར་བཞག དེང་རབས་ཚིག་མཛོད་རིག་པའི་གཞུང་ལུགས་ཀྱི་ལེགས་ཆ་བསྡུས་པ། ཆོས་ལུགས་གྲུབ་མཐའ་ཁག རིག་གཞུང་སྡེ་ཚན་ཁག མི་སྒེར་བཅས་ཀྱི་མཉམ་ལས་བྱེད་ཀྱིན་ཡོད།
རྒྱུན་སྤྱོད་ཐ་སྙད་ནི། དམངས་ཡོངས་ཀྱི་རང་བཞིན། བཀོལ་ཡུན་རིང་བ། ཐ་སྙད་མང་པོའི་གྲུབ་གཞིར་ཆགས་པ་བཅས་ཡིན། འདིར་གཙོ་བོར་རྒྱུན་སྤྱོད་ཐ་སྙད་བསྡུ་སྒྲིག་བྱས་ཡོད་པ་མ་ཟད་འདི་ནི་ཆེས་གལ་ཆེ་བའི་གཞི་རྩའི་ཐ་སྙད་ཁག་ཡིན།
ཐ་སྙད་ཡོངས་རྫོགས་ལ་བརྡ་སྤྲོད་ཀྱི་དབྱེ་བ་ཁག་བཅུ་གཉིས་སུ་བསྡུས་ནས་ངོས་འཛིན་བྱས་ཡོད། འདི་ནི་ཚིག་མཛོད་ཙམ་མ་ཟད་བོད་ཀྱི་སྐད་ཡིག་འདི་ཉིད་དེང་རབས་རྒྱལ་སྤྱིའི་སྐད་ཡིག་གི་རྗེས་ཟིན་པའི་ཐབས་ལམ་ཉག་གཅིག་ཡིན།
བརྡ་ཆད་ནི་རིག་ཚན་མི་འདྲ་བའི་ཆེད་སྤྱོད་ཐ་སྙད་ཁག་རྩ་བའི་དབྱེ་བ་ཁག་བཅུ་བདུན་དུ་བཀར་ཡོད། རྒྱས་པར་དབྱེ་ན་ཁག་བརྒྱ་དང་བཅུ་ཙམ་ཡོད། འདི་ནི་རིག་ཚན་ཁག་གི་ཐ་སྙད་སོ་སོའི་འཇུག་དོན་མ་ནོར་བར་ཕན་ཐོགས་ཆེན་པོ་ཡོད།
ད་དུང་འདིར་དཔེར་བརྗོད། དཔེ་རིས། ཐ་སྙད་ཀྱི་འབྱུང་ཁུངས། སྒྲ་གདངས། ལྡོག་ཚིག མིང་གི་རྣམ་གྲངས། ཉེ་ཚིག འདྲ་ཚིག ཟུར་མཆན། སྤྱོད་སྒོ། བསྡུས་ཚིག་བཅས་དབྱེ་བ་ཕྱེས་ནས། བཀོལ་སྤྱོད་པར་སྟབས་བདེ་གང་ཡོང་བྱས་ཡོད།
དཔྱད་གཏམ་ 254 ལ་གཞིགས་ནས་ཆ་སྙོམས་བྱས་ན་4.1 ཟིན་ཡོད།
སྐར་ 5
150
སྐར་ 4
63
སྐར་ 3
15
སྐར་ 2
6
སྐར་ 1
20
