སྨོན་ལམ་ཚིག་མཛོད་ཆེན་མོ་(༢༠༢༠) ཨན་ཌོ་མ་ལག་ནང་དངོས་སུ་འགྲེམས་སྤེལ་བྱས་པ།
རབ་བྱུང་བཅུ་བདུན་པའི་ལྕགས་ཕོ་བྱི་བའི་གནམ་ལོ་གསར་དུ་བཞད་པའི་དགའ་སྟོན་ལ་འཚམས་འདྲི་བཀྲ་ཤིས་བདེ་ལེགས་ཞུ་བ་དང་། ལོ་སར་ཚེས་གཅིག་ཉིན་ངེད་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གིས་སྨོན་ལམ་ཚིག་མཛོད་ཆེན་མོ་ཐོན་རིམ་ ༢་༡ ཅན་ནམ་སྨོན་ལམ་ཚིག་མཛོད་ཆེན་མོ་ ༢༠༢༠ པ་ཨན་ཌོ་མ་ལག་ནང་དངོས་སུ་འགྲེམ་སྤེལ་ཞུས་ཡོད།
ཨན་ཌོ་མ་ལག་ཅན་གྱི་ཁ་པར་རྣམས་ལ་མཉེན་ཆས་སྔར་ལས་ལྡབ་འགྱུར་གྱིས་ཡར་རྒྱས་བཏང་ཡོད་པར་མ་ཟད། ཚིག་མཛོད་ཆེན་མོ་ལོ་གཅིག་རིང་བསྐྱར་བཅོས་ཟིན་པ་གསར་བསྒྱུར་གྱིས། བོད་དབྱིན་དང་དབྱིན་བོད་ཕྱོགས་གཅིག་ཏུ་སྟབས་བདེར་བཟོས་ཡོད། དེར་བརྟེན་ཨན་ཌོ་མ་ལག་དང་འབྲེལ་བའི་སྨོན་ལམ་བོད་དབྱིན་ཚིག་མཛོད་སྔ་མ་དག་བསུབས་ཏེ་ཐོན་རིམ་གསར་པ་འདི་ཕབ་ལེན་གནང་རོགས་ཞུ། མ་ལག་གཞན་དག་ནང་རིང་མིན་འགྲེམས་སྤེལ་ཞུ་རྩིས་ལགས་ན་བོད་ཀྱི་སྐད་ཡིག་དང་རིག་གཞུང་དབྱར་མཚོ་ལྟར་རྒྱས་པའི་སྨོན་འདུན་ཞུ།