ངོ་སྤྲོད།
འཇར་བོད་ཚིག་མཛོད་ཉེར་སྤྱོད་མཉེན་ཆས་གསར་བཟོའི་ལས་འཆར་འདི། རྒྱ་གར་རྡ་རམ་ས་ལར་རྟེན་གཞི་བྱས་པའི་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་དང་། སུད་སི་རི་ཀོན་ཆོས་འཁོར་དགོན་(སུད་སི་རི་ཀོན་བོད་ཀྱི་ལྟེ་གནས་ཁང་)གཉིས་ཀྱི་ཐུན་མོང་གི་ལས་གཞི་ཞིག་ཡིན།
ཚིག་མཛོད་ཀྱི་ཚིག་བརྗོད་ལེའུ་ཚན་དང་བཅས་པ་རྣམས། སྨན་སྟོད་བློ་བཟང་བསྟན་འཛིན་ལགས་ཀྱིས་རྩོམ་སྒྲིག་གནང་ཞིང་། སུད་སི་རི་ཀོན་ཆོས་འཁོར་དགོན་གྱིས་པར་དུ་བསྐྲུན་པའི་འཇར་བོད་ཚིག་མཛོད་དཔེ་དེབ་གཉིས་དང་གཞི་མཚུངས་པ་ཡིན།
ཚིག་མཛོད་འདིའི་ནང་འཇར་བོད་སྐད་གཉིས་ཐོག་མིང་ཚིག་ཆིག་ཁྲི་ལྔ་སྟོང་ལྷག་ཡོད་པ་ཕལ་ཆེར་ནི།འཇར་མན་སྐད་ཡིག་ལ་སྤྱོད་པའི་ཕྱི་རྒྱལ་དུ་འཁོད་པའི་བོད་མིའི་སྤྱི་ཚོགས་ཀྱིས་རྒྱུན་སྤྱོད་དགོས་མཁོ་ཡོད་པ་རྣམས་ཡིན།
སུད་སི་རི་ཀོན་ཆོས་འཁོར་དགོན་དང་། སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་གཉིས་མཉམ་ལས་ཀྱིས་འཇར་བོད་ཚིག་མཛོད་ཉེར་སྤྱོད་མཉེན་ཆས་འདི། འཇར་མན་སྐད་ཡིག་སྤྱོད་པའི་ཡུལ་ལུང་རྣམས་སུ་གཙོ་བོར་བོད་ཀྱི་རིག་གཞུང་སྲུང་སྐྱོབ་ལ་སྨན་པའི་ཆ་རྐྱེན་དུ་གསར་བཟོ་དང་འགྲེམ་སྤེལ་ཞུས་པ་ལགས།
འཇར་བོད་སྐད་གཉིས་ཕན་ཚུན་ཤན་སྦྱར་གྱི་ཚིག་མཛོད་ཉེར་སྤྱོད་མཉེན་ཆས་འདིས། འཇར་སྐད་སྨྲ་བའི་ཡུལ་དུ་གསར་སྐྱེས་དང་འཚར་ལོངས་བྱུང་བའི་བོད་ཀྱི་ན་གཞོན་ཚོར་བོད་ཀྱི་སྐད་ཡིག་སྦྱོང་བརྡར་སྐབས་ཕན་ཐོགས་དང་།དེ་བཞིན་རྗེས་འབྱོར་བོད་མི་རྣམས་ཀྱིས་འཇར་མན་སྐད་ཡིག་སློབ་སྦྱོང་ལའང་དགེ་ཕན་ཡོང་ཆེད། དེར་མ་ཟད་བོད་ཀྱི་སྐད་ཡིག་རིག་གཞུང་ལ་དོ་སྣང་ཅན་གྱི་ནུབ་ཕྱོགས་པ་རྣམས་ཀྱིས་བོད་ཀྱི་སྐད་ཡིག་སློབ་ཁྲིད་བཅས་ལ་སྨན་པའི་རེ་འདུན་ཆེ།
Vorwort der Herausgeber
Die App „Deutsch-Tibetisches Wörterbuch“ ist ein gemeinsames Projekt von Monlam Tibetan IT Research Center (Dharamsala, Indien) und dem Tibet-Institut Rikon (Schweiz).
Das Wörterverzeichnis basiert auf dem Deutsch-Tibetischen Wörterbuch, verfasst von Losang Tenzin Mantö und publiziert vom Tibet-Institut Rikon.
Das Wörterbuch enthält über 15’000 Deutsch-Tibetische Übersetzungen. Es sind mehrheitlich Wörter, die im Alltag der tibetischen Gesellschaft innerhalb des deutschen Sprachgebiets verwendet werden.
Mit dieser App möchten das Tibet-Institut Rikon und Monlam IT einen Beitrag zur Pflege des kulturellen Erbes Tibets in den deutschsprachigen Ländern leisten.
Die App soll die jüngeren tibetischen Generationen beim Erlernen und Gebrauch der tibetischen Sprache und Schrift unterstützen. Auch soll die App tibetischen Neuankömmlingen helfen, die deutsche Sprache zu erlernen. Des Weiteren dient die App westlichen Menschen, die sich für die tibetische Sprache interessieren.
Editor’s Preface
The app „German-Tibetan Dictionary“ is a joint project of Monlam Tibetan IT Research Center (Dharamsala, India) and the Tibet Institute Rikon (Switzerland).
The wordlist bases on the German-Tibetan Dictionary, written by Losang Tenzin Mantoe and published by the Tibet Institute Rikon.
The dictionary offers over 15’000 translations of German and Tibetan. The majority of the words are used in everyday life of the Tibetan society within the German language area.
With this app the Tibet Institute Rikon and Monlam IT would like to contribute to the care of the cultural heritage of Tibet in the German-speaking countries.
The app shall support the younger Tibetan generations in learning and using the Tibetan language and writing. Also, the app shall help Tibetan newcomers to study the German language. Further, the app shall serve Western people who are interested in Tibetan language.
སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་ནི་བརྡ་འཕྲིན་ཤེས་བྱའི་སྐོར་ལ་ཞིབ་འཇུག་དང་། བོད་སྐད་ཡིག་དང་འབྲེལ་བའི་མཉེན་ཆས་སྣ་ཚོགས་ཞིབ་འཇུག་དང་བཟོ་སྐྲུན་བྱེད་པའི་ལྟེ་གནས་ཁང་ཞིག་ཡིན།
ལས་གཞི་འདི་ཉིད་ཐོག་མར་བློ་བཟང་སྨོན་ལམ་སྒེར་ངོས་ནས་ཕྱི་ལོ་༢༠༠༥ ལོར་འགོ་བཙུགས་ཤིང་། ཕྱི་ལོ་ཉིས་སྟོང་བཅུ་གཉིས་ལོར་སྨོན་ལམ་བོད་ཀྱི་བརྡ་འཕྲིན་ཞིབ་འཇུག་ཁང་དངོས་སུ་གསར་འཛུགས་བྱས།