ཚེ་རིང་དབང་ཕྱུག

ཚེ་རིང་དབང་ཕྱུག་ལགས་ནི་སྨོན་ལམ་རིག་ནུས་ཀྱི་རྒྱུ་ཆ་དོ་དམ་དང་འགན་འཁུར་བ་ཡིན་ཞིང་། ཁོང་གིས་སྨོན་ལམ་རིག་ནུས་ཀྱི་རྒྱུ་ཆའི་རྨང་གཞིའི་སྒྲིག་བཀོད་དང་ལག་རྩལ་བཟོ་བཀོད་ཀྱི་འགན་བཞེས་པའི་ཐོག་རྙོག་འཛིང་ཆེ་བའི་ལས་ཀའི་བརྒྱུད་རིམ་རྣམས་རང་འགུལ་གྱིས་སྒྲུབ་ཐུབ་པའི་མིས་བཟོས་རིག་ནུས་ཀྱི་མ་ལག་ཇུས་འགོད་དང་། ཞིབ་འཇུག་ཁང་འདིའི་གཞི་གྲངས་དང་འབྲེལ་བའི་ལས་དོན་མཐའ་དག་ལ་འགན་ལེན་གྱིས། སྨོན་ལམ་བརྡ་མཛོད་ཆེན་མོའི་དཔེ་གཞི་ (LLM) རྣམས་མྱུར་ཚད་མཐོ་བའི་གཞི་གྲངས་བརྒྱུད་ལམ་དང་། ཚགས་ཚུད་པའི་ལྟ་ཞིབ་མ་ལག་གི་སྟེང་ནས་འཛུགས་སྐྲུན་བྱེད་པར་འབད་བརྩོན་གནང་བཞིན་ཡོད། ཁོང་ལ་ལས་དོན་འཛིན་སྐྱོང་དང་འཕྲུལ་ལས་ལག་བསྟར་སྐོར་ལོ་ངོ་ཉི་ཤུ་ལྷག་གི་ཉམས་མྱོང་ཡོད་པར་མ་ཟད། དེ་སྔོན་ཁོང་གིས་བོད་མིའི་སྒྲིག་འཛུགས་ནང་དྲུང་འཕར་གྱི་ལས་གནས་ཐེ་བའི་ལོ་ ༡༠ ལྷག་ལ་ཕྱག་ལས་གནང་བ་དང་། ཨ་རིའི་སན་ཕརན་སིས་ཀོ་ (San Francisco) རུ་ཡོད་པའི་ Give2Asia ཞེས་པའི་ཚོགས་པའི་ནང་ལོ་གསུམ་རིང་ལས་དོན་ལེགས་བཅོས་དང་འཆར་འགོད་ཀྱི་འགན་ཁུར་བཞེས་འདུག ཁོང་ནི་འཕྲུལ་རིག་ལག་རྩལ་བརྒྱུད་ནས་བོད་ཀྱི་སྐད་ཡིག་དང་རིག་གཞུང་སྲུང་སྐྱོབ་གོང་འཕེལ་གཏོང་རྒྱུར་དམ་བཅའ་བརྟན་པོ་ཡོད་ལ། ཁོང་གིས་བོད་ཀྱི་སྲོལ་རྒྱུན་རིག་གནས་དང་དེང་རབས་ཀྱི་སྔོན་ཐོན་རིག་ནུས་གཉིས་ཟུང་འབྲེལ་གྱིས་བོད་ཀྱི་རིག་གཞུང་གི་ངོ་བོ་དེ་བརྡ་འཕྲིན་འཕྲུལ་རིག་གི་དུས་རབས་ནང་དར་ཁྱབ་རྒྱུན་གནས་ཡོང་བར་ཞབས་འདེགས་བླ་མེད་ཞུ་བཞིན་ཡོད།